*🌹 १६ जुलै 🌹* *हॉकीपटू धनराज पिल्ले यांचा वाढदिवस*

 *🌹 १६ जुलै 🌹*

*हॉकीपटू धनराज पिल्ले यांचा वाढदिवस*

जन्म - १६ जुलै १९६८ (पुणे)

भारतीय हॉकी संघाचा माजी कॅप्टन धनराज पिल्ले यांचा जन्म पुण्या जवळ खडकी इथे एका सामान्य कुटुंबात झाला. मात्र जीद्द आणि कौशल्य आणि कष्टाच्या जोरावर त्याने देशाचे नेतृत्व केले. धनराज पिल्ले कायम आक्रमक खेळाडू म्हणून ओळखल्या गेले. हॉकी संघटनेच्या विरोधात त्याने नाराजी व्यक्त केल्यानंतर त्याला भारतीय टीम मधून वगळण्यात आले. बँकॉक आशियाई क्रीडा स्पर्धांनंतर धनराज पिल्ले भारतीय संघातून बाहेरच राहिले. त्यानंतर धनराज पिल्ले इंडियन जिमखाना, एफ सी लॉन, सिलंगूर अभाहानी लि., स्तुतघर, बँक सिंपानाम नासियोनाल, आर्थर अडरसन सिंगापूर अशा वेगवेगळ्या जागतिक क्लबकडून खेळत राहिले. 

आघाडीचा खेळाडू म्हणून त्याने आजवर ४०० हून अधिक सामने खेळले आहेत. तर  २०० हून अधिक गोल केले आहे. भारताकडून सर्वाधिक गोल करणारा खेळाडू असा लौकिक मिळवला होता. 

धनराज पिल्ले ने ४ ऑलिम्पिक, ४ जागतिक हॉकी करंडक, ४ चँपियन चषक आणि ४ आशियाई स्पर्धेत सहभाग घेतला. जर्मनीत २००२ साली झालेल्या चॅम्पियन्स ट्रॉफीमध्ये त्यांना 'प्लेअर ऑफ द टूर्नामेन्ट' पुरस्कार देण्यात आला होता. २००२ साली  त्याच्या नेतृत्वाखाली आशियाई स्पर्धेत सुवर्णपदकाला गवसणी घातली. धनराज पिल्ले इंडियन एअरलाईन्स मध्ये सहाय्यक व्यवस्थापक होते. धनराज पिल्ले यांना त्यांच्या क्रीडा क्षेत्रातील योगदानासाठी १९९९-२००० साली क्रीडा क्षेत्रातील सर्वोच्च अशा राजीव गांधी खेल रत्न पुरस्काराने गौरविण्यात आले होते. २००० साली त्यांना भारत सरकारने त्यांना 'पद्मश्री' पुरस्कार देऊन सन्मान केला होता.